LENTELLAS

INGREDENTES	UTENSILIOS
400 gramos de lentellas 2 litros de auga 250 gramos de chourizo 300 gramos de cenoria 300 gramos de espinacas [poden ser nabizas,acelgas,cabaciña...] 150 gramos de touciño [pode ser xamón,pavo...] Unha cullerada de sobremesa de cominos Unha cullerada tamaño sobremesa de sal Tres ou catro follas de loureiro	Unha ola ou tarteira grande Coitelo Unha táboa para cortar

MODO DE PREPARACIÓN

Se as verduras son conxeladas deixámolas fóra do conxelador 1 hora antes de facer a receita.

Despois partímolas en anacos pequenos.

Lavamos e pelamos as cenorias e cortámolas en anacos pequenos.

Cortamos o chourizo en rebandas e o touciño en tacos.

Poñemos tódolos ingredientes dentro da ola ou tarteira. Ao lume moi forte ata que comece a ferver.

Poñémoslle a tapa á tarteira e baixamos o lume ao mínimo,comprobando que non saia nada de vapor entre a tapa e a tarteira.

Esperamos unha hora e probámolas e se non están brandas, deixámolas dez minutos máis.

Se vemos que están moi espesas,podemos engadir un vaso de auga quente e remexer con coidado.

É moito mellor cociñalas o día anterior ó que as imos comer,pero podemos comelas o mesmo día que as preparamos.

Se sobran, metémolas nunha friameira e conxelámolas. O día anterior a comelas, sacámolas do conxelador para que a desconxelación sexa lenta.

Cando estean desconxeladas,podémolas quentar no microondas ou botar nunha tarteira e quentalas a lume moi moi lento para evitar que se desfagan as lentellas.