TORRADAS

INGREDIENTES

Unha barra de pan.

Un ovo grande ou dous pequenos.

1/4 litro de leite.

Aceite de xirasol.

150 gramos de azucre.

Un pouco de canela.

Un pouco de anís.

MODO DE PREPARACIÓN

Cortamos o pan en rebandas dun dedo de ancho.

Nun prato fondo batemos o ovo.

Noutro prato fondo botamos un pouco de leite.

Noutro prato mesturamos o azucre coa canela en po.

Collemos as rebandas de pan e pasámolas polo leite (pouco) despois polo ovo batido

e vámolas fritindo na tixola co aceite quente.

Dámoslle a volta dentro da tixola para que fritan polos dous lados.

Ao sacalas da tixola vámolas pasando pola mestura do azucre coa canela,volta e volta.

Se queremos lle botamos por enriba unhas pinguiñas de anís.